Google+
Overblog Suivre ce blog
Editer l'article Administration Créer mon blog
King Gesar of Ling

King Gesar of Ling with English subtitles: https://www.youtube.com/user/Linglhamo

Offering to Amnye Machen

Publié le 25 Juillet 2013 par Ling Lhamo

Offering to Amnye Machen

ཨ་ལ་ལ་མོ་ཨ་ལ་ལེན།། ཐ་ལ་ལ་མོ་ཐ་ལ་ལེན།། ས་འདི་འདྲ་འགོག་ཡུལ་ཕྱུག་མོ་ལ།། གླིང་ལྷ་དམག་བསམ་དོན་འགྲུབ་ས་རེད།། ང་འདྲ་ང་ངོ་མ་ཤེས་ན།། དར་ཡུལ་གཡང་གི་ར་བ་ནས།། ཤར་རྨ་ཆེན་སྦོམ་རའི་འཕྲུལ་གྱི་སྲས།། དཔའ་ལྷ་མི་སྤྱང་དཀར་པོ་ཡིན།། དེ་རིང་ཉིན་མ་བཟང་བོ་ལ།། ས྄ོད་བཅུད་རྟེན་འབྲེལ་ཕུན་སུམ་ཚོགས།། ཐབས་ཤེས་བསང་གི་རྫས་ཀྱིས་བསྐང།། དྲི་ཞིམ་དགོས་འདོད་མཆོོད་པས་གཏམས།། དུ་བ་ལྷོ་སྤྲིན་གཏིབས་འདྲ་ལགས།། འགོ་ཞིང་གདོང་གྲོགས་བྱེད་པ་དང།། ལས་སྨོན་རྨུ་ཐག་འཐེན་པ་ཡི།། དཀར་ཕྱོགས་སྐྱོང་བའི་དགྲ་ལྷ་དང།། ཁྱད་པར་མཐོང་སྨོན་གླིང་དཀར་གྱི།། ཁ་རྗེ་རླུང་རྟའི་དཔལ་འཛིན་པའི།། ཆོས་སྐྱོང་སྲུང་མ་ནུས་མཐུ་ཅན།། བདུད་རྩི་བསང་ལ་དགྱེས་པར་རོལ།། གླིང་དམག་བསམ་དོན་འགྲུབ་པ་དང།། མི་རྟ་ཆག་རལ་མེད་པ་དང།། དགོས་འདོད་ནོར་བུའི་དཔོང་དང་སྤྲོད།། ས་གླིང་ཡུལ་མཐོང་སྨོན་དག་པའི་ཞིང།། ལས་བསོད་ནམས་པདྨ་བཞད་པའི་ཞིང།། མགོན་པད་འབྱུང་མཚན་དཔའི་གཟི་འོད་རྒྱས།། གངས་དཀར་བོའི་རླུང་རྟ་གྱེན་ལ་འཐེན།། དགྲ་མ་རུང་མུན་པ་མར་ལ་སྐྲོད།། བོད་སྤྱི་བའི་བསོད་ནམས་རྒྱས་པར་མཛོད།།

Commenter cet article